“Арсенал” операциясе бара

Утлы коралның, шартлаткыч матдәләрнең законсыз әйләнеше белән бәйле җинаятьләрне кисәтү һәм ачыклау максатында 16-23 ноябрь көннәрендә республикада “Арсенал” оператив-профилактика операциясе бара. “Ел башыннан дүрт тапкыр йортларга тентү белән бардык. Бер райондашыбызның өеннән шартлаткыч матдә, икенче берәүләрдән Калашников автоматының төп өлеше табып алынды. Өегездә нинди дә булса корал булганда район эчке эшләр бүлегенә тапшыруыгыз сорала. Бу очракта сез административ җәзадан азат ителәсез һәм моның өчен акчалата бүләк тә каралган”, – ди район эчке эшләр бүлегенең җинаятьләрне эзләү бүлеге җитәкчесе Булат Җамалиев.