03 хәбәр итә

Соңгы ике көндә район үзәк хастаханәсенең ашыгыч ярдәм бүлегенә 89 чакыру һәм мөрәҗәгать булган. Көнкүрештә тән җәрәхәте алган – өч, йөрәк-кан тамырлары авырулары белән килгән 12 кешегә беренче ярдәм күрсәтелгән. Тәүлегенә 8-9 кешегә пневмония диагнозы куелуын да хәбәр итә табиблар. “Авыручылар бик күп. Райондашларыбыз саклык чаралары турында онытмасыннар иде. Битлек белән йөрү гадәткә керергә тиеш булса да, күпләр бу хакта оныта. Ике көндә Яр Чаллы шәһәренең йогышлы авырулар хастаханәсенә авыр хәлдә 8 кеше озатылды”, – ди ашыгыч ярдәм бүлеге фельдшерлары.