02 көндәлеге: җинаять эше кузгатылды

31 октябрь-12 ноябрь көннәрендә район эчке эшләр бүлегенең дежур частенә 37 хәбәр керде. Бу узган атна белән чагыштырганда 14кә күбрәк.

Узган атнада РФ ҖКның 158.1 маддәсе буенча Шуганка авылыннан 38 яшьлек райондашыбызга карата җинаять эше кузгатылды. Әлеге ир-ат, Шуганка авылы янындагы үләксә базының баганаларын кисеп, аны металл җыючыларга тапшырган. Баланлы авыл җирлегенә 2939 сум күләмендә зыян килгән. Тикшерү эше бара.