Сәламәтлек көндәлеге

Район үзәк хастаханәсенең ашыгыч ярдәм бүлегенә соңгы өч көндә 88 чакыру һәм мөрәҗәгать булган. Шуларның 51е – йөрәк-кан тамырлары авырулары, дүртесе көнкүрештәге тән җәрәхәте белән мөрәҗәгать иткән. Инфаркт белән ике райондашыбыз Әлмәт ашыгыч ярдәм хастаханәсенә озатылган. Алты кеше дәвалану өчен район хастаханәсенә салынган. 22 ноябрь көнне иртән район ашлык кабул итү һәм эшкәртү предприятиесендә гадәттән тыш хәл булды.

Җитештерү мәйданчыгында 37 яшьлек эшченең бер кулы, ашлык бирә торган магистральне чистартканда, механизмга кереп китә һәм иңсәсеннән үк өзелә.

Зыян күргән 1985 елгы ир-егет бүгенге көндә район хастаханәсендә дәвалана.

Изображение от nensuria на Freepik