16 декабрьдә Мөслимдә “Ел тәрбиячесе – 2025” конкурсы старт алды

Бәйгенең беренче этабы район үзәгендәге “Кояшкай” балалар бакчасында “Шаян ноталар” дәресе белән башланды. Бәйгедә “Миләшкәй”, “Карлыгач”, “Ләйсән”, “Кояшкай” “Күбәләк”, Тойгелде авылы балалар бакчалары тәрбиячеләре көч сынашты. Конкурсның икенче этабы 17 декабрь көнне “Карлыгач” балалар бакчасында үткәрелде. Балалар белән үткәрелгән педагогик чаралар һәм үз дәресеңә анализ ясауда тәрбиячеләр сынатмады. Җиңүчеләр “Ел тәрбиячесе” һәм “Туган телдә укыту һәм тәрбияләү төркеме тәрбиячесе” номинацияләрендә билгеләнәчәк.

Лилия Шәймиева фотосы