“Кышкы каникуллар” операциясе барды

28 декабрьдән 8 гыйнварга кадәр “Кышкы каникуллар” операциясе барды. “Масштаблы чара барышында балаларны транспортта йөртү кагыйдәләренең үтәлеше аерым контрольгә алынды. Юл йөрү кагыйдәләрен санга сукмаучы җәяүлеләр дә шактый теркәлде. Балаларны транспортта автокресло һәм махсус җайланмалардан башка йөрткән 7 шоферга алминистратив беркетмә төзелде. Тәүлекнең караңгы вакытында киемнәрендә яктырткыч элементлар булмаган дүрт яшүсмергә карточкалар тутырылды”, – дип хәбәр итә ДАИның өлкән инспекторы Феликс Мәгъданов.