Банк карталарын саклагыз

“Җирлегебездә банк карталарыннан акча урлау очраклары күбәйде. Урамда төшеп калган, кайдандыр табылган банк картасыннан куллану авыр төр җинаять дип санала. Моның өчен 10 елга кадәр иректән мәхрүм ителү каралган. Ел башыннан шундый өч факт ачыкланды. Өч райондашыбыз табылган карталар белән түләп, кибеттән товар алган. Берсеннән  – 1500 сум, икенчесеннән – 7 мең, өченчесеннән 30 мең сум күләмендә акча “тотылган”. Гаепле кешеләрнең барысы да ачыкланды һәм җинаять эше кузгатылды. Шушы көннәрдә райондашларыбызның эше судта каралачак. Карта тапкан очракта, аны сындырып ташларга яисә хуҗасына кайтарырга кирәк”, – ди уголовный розыск бүлеге җитәкчесе Булат Замалиев.

Фото - "Татар-информ" архивыннан