«Солдатка хат» акциясе үткәрелде

Үзәк балалар китапханәсе Г.Тукай ис. Мөслим урта мәктәбенең 5а сыйныф укучылары белән «Солдатка хат» акциясе үткәрде. Укучылар хәзерге вакытта Украинада махсус хәрби операциядә катнашып, хәрби бурычын үтәүче Россия солдатларына хатлар яздылар.
- Хәрби операция авыр эш, монда солдат үз тормышын куркыныч астына куя.  Ял минутларында туган яктан  яхшы хәбәр алу алып уку аларга  рухи ныклык бирә. Хатның  кемнән булуы мөһим түгел, аның эчтәлеге күпкә мөһимрәк. Чын йөрәктән язылган бала хатлары солдатларның күңелләрен җылытып, өмет-ышаныч арттырсын иде.
Акциядә катнашучылар тыныч күк  йөзе өчен солдатларга рәхмәтләрен җиткерделәр, үзләрен саклап йөртүләрен теләделәр. Хатларны  самими рәсемнәр белән  дә бизәделәр. Хатлар хәрби частьләргә җибәреләчәк, - дип хәбәр итәләр Мөслим урта мәктәбеннән.

Фотолар - Мөслим урта мәктәбеннән