Мөслим-информ

Бүген – физкультурачылар көне

Районыбызның спортчы егетләре бәйрәмне тантаналы шартларда билгеләп үтте.

Августның икенче шимбәсендә физкультурачылар көне билгеләп үтелә. Районыбызның спортчы егетләре бәйрәмне тантаналы шартларда билгеләп үтте. Спорт мәктәбе тренерлары Гөлназ Гыйздуллина, Ларис Бариев һәм спорт мәктәбе директоры Илшат Фазлыев ТР спорт министрлыгының Рәхмәтенә лаек булдылар. Тренерлар Илдар Мадьяров һәм Илназ Кашапов "ТР физик культура һәм спорт отличнигы" билгесенә ия булдылар. Спорт һәм мәдәни чаралар дирекциясе җитәкчесе Марат Байрханов һәм Рузәл Исанаев район башлыгының Рәхмәт хатлары белән бүләкләнде. Бүләкләрне спортчыларга район башлыгы Рамил Муллин үзе тапшырды һәм киләчәктә дә ярышлардан җиңүләр белән кайтуларын теләде. Рамил Хәмзович үзе дә бүләкләнде – аңа Татарстан Республикасы армрестлинг федерациясенең Рәхмәт хаты тапшырылды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: