Белсәң зыян итмәс

• Аэрозоль баллонының башы һәм резина груша ярдәмендә буяу сиптергеч ясарга мөмкин.
• Шөрепне сабынласаң, ул ансат борылып керер.
•  Полировкалы җиһазлар, электрлашып, үзенә тузан җыя. Әгәр дә 1 өлеш шампунь, 1 өлеш антистатик һәм 8 өлеш сулы эремә белән сөртсәң, тузан кунмас.
•  Фанераны кискәндә, кырыйлары тигез калсын өчен, киселә торган эзне  кайнар су белән чылаталар.
•  Лакны уттан алынган кайнар суда җылытсаң, ул юка һәм тигез ятар.
• Күзлек тоткасының винтлары бушамасын өчен, винтларга синтетик җилем сөртәләр.
• Бронзадан эшләнгән бизәнү әйберләре тиз каралып, ялтыравыгын югалта. Азрак балавыз яки парафин салынган кайнап торган суга бронза әйберне салып алганнан соң яхшылап сөртсәң, ул тиз генә каралмас.

Фото - Татар-информ архивыннан