Мөслим лицеенда Нәүрүз бәйрәме

Мөслим лицеенда Нәүрүз - язны каршылау бәйрәме шау-гөр килеп узды. Ул халкыбызның борынгыдан калган, көн белән төн тигезләшкән вакытта уздырыла торган күркәм йоласы. Бәйрәмдә театральләштерелгән күренеш оештырылды. Җигүле атта Нәүрүз кызлары килде һәм Нәүрүз гүзәле бәйгесе оештырылды. "Тылсым" вокаль ансамбле кызлары, Ильвина Сәйфиева, Илиза  Мөҗипова, Язилә Вәлиева, Ильвина Муллагалиева чыгышлары бәйрәмгә ямь өстәде. Бәйрәмне педагог -оештыручы Гүзәл Вагыйзова белән җыр укытучысы Лилия Заянова әзерләп алып барды, дип язалар Мөслим лицееннан.

Фотолар - Мөслим лицееннан