Алмагачтагы алмалар чериме?

Бердәнбер юл – черек алмаларны җыеп алу һәм аларны җиргә күмеп кую.
Алмалар ел саен чересә, алдан ук профилактика үткәрү мөһим. Бөреләре чыкканчы, артык ботакларын кисеп алыгыз. Яхшы яктыртыла торган кәүсәдә, һава йөреп торгач, гөмбәчекләр барлыкка килми. Аннары «Абига-Пик» (аның урынына «Купролюкс», «ХОМ», «Хомоксил» һәм башка фунгицидлар сибәргә була) һәм «Фуфанон-Нова» (яки «Алатар», «Алиот») препаратлары катнашмасын сибегез.
Бөреләре чыгып, чәчәк атканчы, «Хорус» белән эшкәртегез. Чәчәк атканнан соң ике атна үткәч, беренче катнашманы тагын сибегез.

Чыганак: Бакча. Йорт. Рецептлар

Наилә Нәбиева фотосы