«Ветеранда кунакта» - тыл ветераннарын котлау акциясе

Бөек Ватан сугышында Җиңүнең 79 еллыгы алдыннан үзәк китапханә хезмәткәрләре Татарстан Республикасы Мөслим җирле бүлекчәсенең  «Яшь Гвардия» активистлары белән берлектә тыл хезмәтчәннәрен котладылар. "Без ел саен үткәрә торган акция, Бөек Җиңүгә керткән өлешләре, сугыш һәм сугыштан соңгы еллардагы хезмәтләре өчен  рәхмәтләребезнең кечкенә генә өлеше. Без аларның батырлыгын мәңге кадерләрбез, истә тотарбыз һәм горурланырбыз!»

Китапханә хезмәткәрләре ветераннарга батырлыклары һәм хезмәтләре өчен рәхмәт белдерделәр, сәламәтлек һәм иминлек теләделәр, бүләкләр тапшырдылар. Абый-апалар сугышның авыр еллары турында сөйләделәр, игътибар күрсәткәннәре өчен рәхмәт белдерделәр һәм котлаулардан канәгать калдылар, – дип язалар район үзәк китапханәсеннән.

Фотолар – район үзәк китапханәсеннән.