Яңа Карамалы – иң яшь авылларның берсе

Яңа Карамалы авылы районның иң яшь авылларының берсе .Аңа нигез салынуга 2020 елда 95 ел тула.Тарих өчен күп вакыт булмаса да, кеше гомере өчен шактый зур вакыт.Инде берничә буын алмашып , аларның гамәлләре, авыл кешеләре, тарихына кагылышлы вакыйгалар , истәлекләр дә яңа буын хәтереннән җуелып бара. Узган җомгада авыл клубына җыелып Яңа Карамалылар шул хакта сөйләштеләр, авыл тарихына, кешеләренә кагылышлы мәгьлүматлар, фотоматериаллар тупларга, якын елларда китап итеп чыгарырга килештеләр.