Эшләсәң – эш күренә

Республика җитәкчелеге тарафыннан шәхси ярдәмче хуҗалыкларга игътибар күрсәтелеп тора.Күптән түгел, Казанның "Корстон" күңел ачу үзәгендә узган, республика муниципаль берәмлекләренең 12 съездында җирлекләрдә күпләп терлек асраган, терлекнең 50 процентын савым сыерлары тәшкил иткән шәхси ярдәмче хуҗалык җитәкчеләре бүләкләнде. Алар арасында Мөслим районының Тойгелде авыл җирлеге Игенче авылында шәхси ярдәмче хуҗалыгы оештырып уңышлы эшләп килүче Марсель Шакиров та бар иде. Марсель Гариф улы 100 мең сум күләмендәге грантка ия булды. Аны ТРның авыл хуҗалыгы һәм азык-төлек министры М.Г. Әхмәтов тапшырды.