«Кызыл, сары, яшел” конкурсында көч сынаштылар

Мөслим гимназиясендә “Кызыл, сары, яшел” исеме астында яшь юл инспекторлары отрядлары көч сынашты. Муниципаль бәйгедә 14 команда катнашты.

Конкурсның максаты – мәктәп яшендәге балалар арасында юл-транспорт травматизмын профилактикалауда яшь хәрәкәт инспекторлары отрядларының ролен арттыру. Бәйгенең нигезләмәсе буенча командалар “Өлкән кеше, син безнең өчен үрнәк!” темасына агитация чыгышлары әзерләде.

1 урынга Мөслим лицееның ЮИД отряды лаек булды.

2 урында – Баек мәктәбенең ЮИД отряды.
 Рус Шуган урта гомуми белем бирү мәктәбенең ЮИД отряды 3 нче урынны яулады.

Күбәк мәктәбенең ЮИД отряды “Теманы иң яхшы ачу” номинациясендә, Олы Чакмак мәктәбе командасы “Балалар бәхете өчен берләшү” номинациясендә, Мөслим урта мәктәбе командасы “Синең тормышың – синең кулларда” номинациясендә җиңүче булды. Катнашучыларга Мөслим һәм Сарман районнары буенча “Юл хәрәкәте иминлеге” дәүләт бюджет учреждениесеннән истәлекле бүләкләр тапшырылды.

 Лилия Шәймиева репортажы.