Эшлекле дүшәмбе

Мөслим муниципаль район Башлыгы катнашында атналык киңәшмә узды.

Альберт Хуҗин узган атналарда үткән чараларга йомгак ясады, өлкәннәрне зурлаган, өлешчә мобилизация кысаларында ярдәм күрсәткән һәр кешегә рәхмәт сүзләрен җиткерде. Авыл хуҗалыгы эшчәнлеге нәтиҗәләре белән таныштырып узды һәм бу тармакта хезмәт куючыларны үткән бәйрәмнәре белән котлады.
Айдар Мотыгуллин Татарстан Республикасында намуслы хезмәте һәм уникаль технологияләр һәм элемтә үсешенә шәхси өлеш керткәне өчен ТР дәүләт идарәсен цифрлы нигездә үстерү, мәгълүмат технологияләре һәм элемтә министрлыгы Мактау грамотасы белән бүләкләнде.

Актуаль мәсьәләләр каралды:
• Гражданнар оборонасы буеча тикшерүгә әзерлек;
• Көзге өмәләр оештыру;
• Зиратларны тәртипкә китерү;
• Үзара салым акчаларына башкарыласы эшләрне контрольдә тоту;
• Төзелеш һәм төзекләндерү эшләрен контрольдә тоту.