Регина Сәлахова күмәч рецепты белән уртаклаша

Кирәкле ингредиентлар: 630 грамм он, 130 грамм шикәр комы, 7 грамм чүпрә, әз генә тоз, 300 миллилитр сөт, ике йомырка, 70 грамм акмай, бер кап ванилин.

Әзерләү тәртибе. Җылы сөткә чүпрә һәм ике чәй калагы шикәр салып, җылы урынга куябыз. Бераздан йомырка, тоз, ванилин, эретелгән май һәм калган шикәрне кушып болгатабыз. Катнашмага он кушып, камыр басабыз һәм җылы урында күтәрелергә калдырабыз. 

Камырны 13 өлешкә бүлеп, йөрәк формасында күмәчләр формалаштырабыз, йомырка сарысы белән майлап, өстенә шикәр комы сибәбез. 180 градустагы мичтә 30-35 минут пешерәбез. Тәмле булсын!

Рубриканы Лилия Шәймиева алып бара.

Фото – Р.Сәлахованың шәхси архивыннан.