Эльвирадан – чизкейк

Камыр болай әзерләнә: 180 г атланмайны кыргычта уып, 280 г он белән болгатасың. Уалучан камыр барлыкка килә. Шуңа 1 чәй калагы көпшәкләндергеч, 120 г шикәр комы, тәменчә тоз салып болгатабыз һәм, бер йомырка өстәп, камыр басабыз. Әлеге камырны табага җәябез, кырларын күтәрәбез. Камыр өстенә чәнечке белән тишекләр ясыйбыз һәм 20 минутка суыткычка куябыз.

Чизкейк эчлеге өчен 500 г каймак, 4-5 йомырка, 100 г шикәр комы, 2 аш кашыгы он яки 1 аш кашыгы крахмал кирәк. Әлеге ингредиентларның барысын бергә яхшылап болгатабыз һәм камыр өстенә салабыз. Эчлеккә үзегез теләгән җиләк салырга була. Чизкейкны духовкада 50-60 минут пешерәбез. 
Тәмле булсын!