Татарстанда Иделдә йөзә торган беренче күчмә заправка эшли башлады

Казанда, Аракчино кичүендә, Татарстанда йөзә торган беренче күчмә заправка станциясе эшли башлады. Кар һәм боз буенча йөрүче судноларны һәм техниканы хуҗалары ярга чыкмыйча гына заправка ясый алачаклар.
«Без йөзә торган заправка станциясен (ПЗС) ачарга булдык, ул җәен дә, кышын да эшли. ПЗСның уңай яклары шунда, биредә һава мендәрендәге судноларны, кар чаналарын һәм квадроциклларны заправка ясый алалар. Җәй көне биредә яхта, катерлар ягулык белән тәэмин ителә алачак», — дип сөйләде «Аракчино — Югары Ослан» боз кичүе начальнигы Илдар Насыйров. 
Ул билгеләп үткәнчә, бу Татарстанда эшли торган бердәнбер йөзә торган заправка станциясе. Төп өстенлек-катер яки кар машиналары хуҗаларына заправка ясау өчен ярга чыгарга кирәкми. Үз судноларын балыкчылар һәм яхтсменнар 92 маркалы бензин һәм дизель ягулыгы белән тәэмин итә алачак, ягулык бәясе базар бәясе. 
Хәзер заправка иртәнге 8дән кичке 5кә кадәр эшли, җәйгә станциянең тәүлек буе эшләвен оештыру планлаштырыла. 
Ягулык төре ябык станциягә йөкләнгән, бу экологик яктан куркынычсыз ысул белән ягулык бункерлау. Заправканың экологик куркынычсызлыгы өчен «Авария-коткару һәм экология операцияләре үзәге» АҖ филиалының Самараның «Экоспас»үзәгенең Татарстан бүлекчәсе җавап бирә.