"Су юлы" бәйрәме
Әлмәт авылында узган бәйрәм бик күпләрнең күңеленә хуш килде
Әмәкәй авыл җирлеге районда беренчеләрдән булып үзара салым акчасын җыеп бетерде. Авыл җирлеге башлыгы Илнара Шакирянова тырышлыгы белән су кертү эшләре тиз арада тәмамланды. Июнь аенда халыкка чиста су эчәргә насыйп булды.
2 июль көнне авыл халкы әлеге вакыйганы зурлап билгеләп үтте: Әлмәт авылында “Су юлы” исемле матур бәйрәм узды. Сабантуй форматында оештырылган чарада район башлыгы Альберт Хуҗин да катнашты.
Бәйрәмдә Әмәкәй авыл җирлеге башлыгы Илнара Шакиряновага тырыш хезмәте өчен район башлыгының Рәхмәт хаты һәм истәлекле бүләк тапшырылды.
Лилия Шәймиева фотосы
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев