Программа кысаларында

“Уңайлы шәһәр мохите формалаштыру” дәүләт программасы нигезендә республикада күп кенә ишегаллары, парклар төзекләндерелде. Әлеге программа буенча Мөслимнең “Яшьлек” стадионында да эшләр башкарыла. Биредә велосипедлар өчен махсус мәйданчык төзиләр. Моның өчен Казаннан 10лап эшчедән торган бригада, өч данә техника җәлеп ителгән. Мәйдан 380 квадрат метрны били. Моннан тыш, стадионда башка төрле объектлар да булыр, дип планлаштырыла. Алар кулланышка киләсе елны тапшырылачак.