Өлкән буын активлык күрсәтә

Бүген – Россия Конституциясендәге төзәтмәләр кертү буенча тавыш бирүнең төп көне. Райондашларыбыз әлеге мөһим кампаниядә активлык күрсәтә. Коронавирус инфекциясе таралу куркынычын булдырмау максатында өлкән яшьтәге кешеләргә өйдә тавыш бирү мөмкинлеге тудырылса да, илкүләм мөһим вакыйгалардан читтә калмаучы буын вәкилләре арасында сайлау участогына килүчеләр дә бар иде. Мөслимдә яшәүче Мәкъсут ага Латыйпов 91 яше якынлашуга карамастан, үзе теркәлгән 1986нчы санлы Банк сайлау участогында тавыш бирде. “Илнең төп законына нинди үзгәрешләр кертеләчәге турында үзәк телевидение, радио һәм газеталарда күп сөйләделәр, фикер алыштылар. Рссиянең яңа Конституциясе тормышыбызны тагын да яхшырак итеп үзгәртергә мөмкинлекләр тудырсын иде”, – диде Мәкъсут ага.