Олег Морозов: Без киләчәктә Россия каркасын булдырабыз

РФ Конституциясенә киләчәк төзәтмәләр якындагы унъеллыклар илне саклаячак каркас булырга тиеш. Татарстаннан Федерация Советы әгъзасы Олег Морозов шундый фикер белән уртаклашты. 
"Мин бик зур сәяси вакыйгада катнашам. Чөнки бүгенге тавыш бирү юлы белән без киләчәк Россиянең сәяси, икътисади, социаль һәм рухи каркасын булдырабыз. Һәм бу каркаста Россия якындагы унъеллыкларда дәвам итәчәк, әллә нинди үзгәрешләр кирәк булмас дип өметләнәм. Чөнки хәзер булган үзгәрешләр дә бик зур. Һичшиксез, тавыш бирергә кирәк иде, һәм мин РФ Конституциясенә төзәтмәләрне хуплавымны яшермим. Һәм миңа күпмилләтле илебезнең бердәм мәдәнияте буларак, телләр, этнослар, мәдәниятләр бердәмлеге, безнең культураларның тигез хокуклылыгы мөһим", - дип билгеләп үтте Морозов. 
Ул шулай ук Татарстан башкарган эшләрнең күбесе хәзерге Конституциягә һәм аның текстларына төзәтмәләр булып керде, дип өстәде.
Тулырак мәгълүмат: https://www.tatar-inform.ru/news/politics/01-07-2020/oleg-morozov-o-popravkah-k-konstitutsii-my-sozdaem-karkas-buduschey-rossii-5753607