Комплекс сафка бастырылды

Түбән Табындагы “Туган як – Родные края” агрофирмасында өр-яңа ашлык киптерү комплексы сафка бастырылды. Комплекс ике ай эчендә төзелгән. Чыгымнары якынча 150 миллион сумны тәшкил итә. Конструкция тулысынча Киров өлкәсендәге “Агропромтехника” җәмгыятендә проектланган һәм җитештерелгән. Төзелеш эшләрен дә шушы ук оешма эшчеләре башкара. Бүген яңа ашлык киптерү комплексы урып-җыю сезонына әзер. Яңа комплексның куәтен исәпкә алып, агрофирмада хәзер тәүлегенә 1200 тонна ашлык киптерү мөмкинлеге бар. Тиздән шулай ук өр-яңа орлык җитештерү комплексы да эшләтеп җибәреләчәк.