Биләр форумында безнекеләр

Биләрдә 5 смена - мәгълүмати технологияләр сменасы.  Биләр форумы - 27 июльдән 31 июльгә кадәр дәвам итте. Безнең районнан бу сменада 16 бала ял итте. Ул фән олимпиадаларында, фәнни конференцияләрдә, иҗади конкурсларда һәм спорт ярышларында җиңүчеләрне һәм призерларны берләштерде. Әлеге смена кысаларында мәгълүматны нәтиҗәле эзләү һәм эшкәртүнең, инновацион продуктларны тормышка ашыру һәм ясалма интеллектны үстерүнең актуаль инструментларына багышланган профильле мастерскойлар һәм белем бирү мәйданчыклары планлаштырылган иде. Балалар сменадан белемнәрен тирәнәйтеп, күп мәгълүмат алып бик канәгать кайттылар.