2021 елда «Үсеш ноктасы» цифрлы һәм гуманитар профильле белем бирү үзәкләре ачылачак

Татарстанның 114 мәктәбендә 2021 елда «Үсеш ноктасы» цифрлы һәм гуманитар профильле белем бирү үзәкләре ачылачак. 2020 елда алар республиканың 42 авыл мәктәбендә барлыкка килде.
«Әлеге проект буенча ОБЖ, информатика, технология кабинетларын заманча җиһазлар белән җиһазладылар, шахмат зоналары булдырдылар. Шахмат зоналары Татарстанның барлык мәктәпләрендә диярлек булдырылачак. „Мәгариф“ илкүләм проектының "Заманча мәктәп" федераль проекты буенча күп кенә мәктәпләрдә "Үсеш нокталары“ булырга тиеш», — дип сөйләде Һадиуллин.
Мәгариф һәм фән министры билгеләп үткәнчә, республикада шахмат белән шөгыльләнергә теләүче балалар саны арткан. Һәм ул мәктәпләрдә моның өчен барлык мөмкинлекләр дә тудырылачак, дип ышандырды.
"2019 елда "Үсеш нокталары" 90 дан артык мәктәптә барлыкка килде. "Илкүләм проект буенча 132 мәктәптә шахмат зоналары ачылды, - дип өстәде ул. - 2020 ел ахырына 38,4 мең мәктәп укучысы яңартылган программалар белән колачланды».
Моннан тыш, бер ел эчендә 39 мәктәп һәм 39 көллият һәм техникумда "цифрлы белем бирү моделе кертелде. "Бу юнәлештә 2021 елда эш дәвам итәчәк", — дип ассызыклады Мәгариф һәм фән министры.