- Хәрәкәттә – бәрәкәт, - дип яши 91 яшьлек әби

Балачагы авыр сугыш елларына туры килсә дә, күңелендә ул шул чорның якты мизгелләрен генә саклый.

– Гаиләдә тугыз бала үстек. Әтиебез сугышка китте.

Әниебез тырышлыгы белән генә тугызыбыз да исән-сау калгандыр. Сугыш башланганда, без Казанның Юдино бистәсендә яши идек. Оекбаш-бияләйләр бәйли идем. 7 яшьлек бала ничек йон җегерләп бәйләгәндер, шуңа гаҗәпләнәм. Фронтка махорка тутыру өчен кечкенә капчыклар тегеп җибәрә идек. Мәктәпкә йөрергә кием юк.

Станциядә фронтка китүче солдатлар алыштырган киемнәрне җыеп, мәктәпкә барыр өчен күлмәкләр тегә идек, – ди Гөлчирә апа.

Кышын поезд рельсларын кардан чистартканнарын искә төшергәндә, бүген дә күзләренә яшь тыгыла  аның. 

Лилия Шәймиева

Фото – Гөлчирә Гыйззәтуллинаның шәхси архивыннан

Тулырак «Авыл утлары» газетасының 2024 ел, 12 апрель санында