“Иң яхшы муниципаль тәҗрибә” бәйгесе үтте

Быел “Иң яхшы муниципаль тәҗрибә” бөтенроссия бәйгесенең “Шәһәр төзелеше сәясәте, халыкның яшәеше өчен уңайлы мохит тудыру һәм торак-коммуналь хуҗалыкны үстерү” номинациясендә Мөслим авыл җирлеге икенче урынга лаек булды һәм 15 миллион сум премия белән бүләкләнде. Акча җирлекне төзекләндерү: урамнарны яктырту, су белән тәэмин итү мәсьәләләрен хәл итүгә юнәлтеләчәк. “Бу – зур җиңү! Мондый бәйгеләрдә җиңү зур эшләр башкарырга этәргеч һәм мөмкинлекләр бирә, шул ук вакытта Мөслимне танытырга да ярдәм итә,” – ди район башлыгы Альберт Хуҗин.

Бәйгедә, Мөслим авыл җирлегеннән тыш, Татарстанның Алексеевск һәм Биектау районнарыннан тагын ике авыл җирлеге төрле номинацияләрдә бүләкләнде.

Фото – Мөслим-информ архивыннан