Ябыгырга теләгәннәргә киңәшләр

Һәр иртә өстәлдә яшелчә ризыгы булырга тиеш

Уылган һәм үсемлек мае кушылган кишер, кәбестә салаты сезнең йөзегезне генә түгел, гәүдәгезне дә нәфис итәргә булышыр. Сөттә җебетелгән солы кмсәкләре  (хлопья) киптерелгән җимеш, чикләвек тә симерүдән саклый. Ипине азрак ашарга тырышыгыз.

Ешрак, ләкин азрак ашагыз.

Әмма ботка, ит шулпасы түгел, ә алма, кипкән җиләк-җимеш, сохари, эремчек.

Тәмләткечләр күбрәк булган саен, сез нәфисрәк.

Тоз урынына тәмләткечләр кулланырга өйрәнегез. Бигрәк тә борыч, мускат, тмин, горчица, әнис, канәфер, корица, керән, сарымсак һәм суган витаминнарга бай.

Шикәр урынына - бал

Баллы ашарга яратсагыз, шикәр урынына бал кулланыгыз. Ул файдалы да, организмны кирәк кадәр шикәр белән дә тукландыра. 

Башта эчәргә, аннары ашарга

Ашар алдыннан 10 минут алдан  1 стакан минераль су (гадие дә ярый) эчеп куегыз. Ул ашказанына азык эшкәртергә генә түгел, аны тутырырга да булыша.

Фото -  Татар-информ архивыннан