«Печән базары»нда катнаштылар

«Тукай безнең йөрәкләрдә» атналыгы кысаларында район үзәк китапханәсе һәм туган якны өйрәнү музее хезмәткәрләре лицей һәм Г.Тукай исемендәге Мөслим урта мәктәбенең  5  сыйныф укучылары өчен бөек татар шагыйре Габдулла Тукайның тууына 138 ел тулуга багышланган «Печән базары» чарасы оештырдылар. Чара башында балалар шагыйрьнең биографиясе һәм иҗаты белән таныштылар. Аннары «Су анасы» һәм «Шүрәле»  командаларына  бүленеп конкурс биремнәрен эшләделәр. Укучылар дүрт юллык шигырьләрне дөрес итеп җыйдылар,  Тукайның әкият геройларын атадылар,  билгеле бер предметның кайсы әсәрдән икәнен белделәр, рәсемнең исемен һәм әсәрен атадылар,  шулай ук  шагыйрьнең  тормышы турында викторина сорауларына җавап бирделәр. Музей хезмәткәрләре мастер-класс оештырды. Чарага «Тукай рухы күңелләрдә» дип аталган китап күргәзмәсе оештырылды. Чара чәй эчү һәм «Туган тел» җырын бергәләп башкару белән тәмамланды, – дип язалар оештыручылар.

Фото – район үзәк китапханәсеннән