Агитбригада - Үрәзмәттә

Җәйге, эссе көннәрдә хезмәт батырларына яхшы кәеф бүләк итәр өчен, З.Басыйрова исемендәге мәдәният йорты үзешчәннәре 10 август көнне кыр станына чыкты. Агитбригада Үрәзмәт авылы тирәсендә "Август-Мөслим" агрофирмасы игенчеләрен сәламләде. Механизаторларның эш шартлары белән танышырга район башлыгы Альберт Хуҗин да килде.
Кызу уракның һәр минуты кадерле. Кыр хезмәтчәннәре ару-талуны белмичә, тулы көчкә эшлиләр. Бүгенге көндә комбайнчылар көзге бодай суктыра. Бригада отрядларга бүленеп эшли. Коры ашлык шушы ук басуларга урнаштырылган "махсус капчыклар"га - рукавларга тутырыла. Ташырга өлгермәгән бодай көзгә кадәр шунда сакланачак.

Гөлназ Җәлилова фотосы