Мәчетләргә нигез салынды (+фоторепортаж)
Шуганка һәм Күбәк авылларында яңа мәчетләргә нигез салынды
Шуганка һәм Күбәк авылларында мәчетләргә нигез салу чарасы үтте. Биредә район башлыгы Альберт Хуҗин, район хакимияте вәкилләре, иганәчеләр, Шуганка һәм Күбәк авылларында яшәүчеләр катнашты. Башка төбәкләрдә яшәп, әлеге авылларга карата битараф булмаучылар да шактый иде.
Шуганка авылындагы мәчет Ленин урамында урнашачак. Күбәк авылының мәчетенә нәкъ тә авылның уртасында нигез салынды.
Район башлыгы Альберт Хуҗин, районның имам-мөхтәсибе Илгиз хәзрәт Сөнгатуллин, Шуганка авылы имамы Хәйдәр хәзрәт Сираев, Карамалы һәм Күбәк авылларының имамы Сөләйман хәзрәт Хафизов килгән кунакларга котлау, рәхмәт сүзләрен җиткерде. Эчтәлекле чыгышлардан соң яңа мәчетләргә тантаналы рәвештә беренче казыклар кагылды.
Рәмилә Сәләмова фотолары
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев