Дүрт оешмага бер бина

Бинада капиталь ремонт быел апрель азагында башланган иде. Ремонт эшләрен “Таткоммунжилсервис” оешмасы башкарды. Биредә җәй буе эш гөрләде. Заманча ремонтланган бинада мировой суд, суд приставлары, тикшерү комитеты һәм “Бердәм Россия” сәяси партиясенең Мөслим җирле бүлекчәсе эшләячәк.
– Янәшәдә генә район суды, прокуратура, эчке эшләре бүлеге биналары урнашкан. Барлык хокук саклау органнары структураларының якын урнашуы үзара хезмәттәшлек өчен уңышлы булыр, дип уйлыйбыз. Хокук бозулар минимум дәрәҗәсенә җитеп, яхшы хәбәрләр генә ишетергә язсын! Бинада нәтиҗәле эшләү өчен бөтен шартлар да булдырылган, – ди “Таткоммунжилсервис” оешмасы җитәкчесе Илшат Нуриәхмәтов.

Тулырак «Авыл утлары» газетасының 2024 ел өчен 22 ноябрь саныннан укыгыз.

Рәмилә Сәләмова фотосы