Мөслим спорт мастерларын үстерә

1–6 март көннәрендә Орел шәһәрендә кул көрәше буенча Рос­сия беренчелеге үтте. Ярышларга Россиянең 44 регионыннан 500дән артык спортчы килгән иде. Татар­стан җыелма командасы составында Мөслим спорт мәктәбенең тугыз уку­чысы катнашты.

Армрестлинг буенча тренер Ларис Бариевның шәкертләре үҗәт булула­ры белән аерылып тора. Идел буе фе­дераль округы беренчелеге булсын­мы, Татарстан, дөнья чемпионатымы, егетләр сынатмый. Ларис Бариевның дүрт укучысы спорт мастерлыгына кандидат нормасын үтәгән иде инде. Илһам Бариев, Ислам Гайнуллин, Дани­яр Хәбибуллин һәм Айдар Корбыевның 15-16 яшьтә мондый дәрәҗәле исемне алулары балаларның әти-әниләре өчен дә горурлык булуын әйтеп тору кирәкме икән?! Орел шәһәрендә кул көрәше бу­енча узган Россия беренчелегендә исә Илһам Бариев спорт мастеры нормати­вын үтәде һәм Россия җыелма команда­сы составына керде. 55 килограмм үлчәү категориясендә ул беренче урынны алды.

– Кул көрәше белән бишенче ел шөгыльләнәм. Башта бик яратып фут­бол уйнадым. Тезләрем авырта башлагач, әтием үзе җитәкләгән түгәрәккә чакыр­ды. Яңа спорт комплексы сафка баскан ел иде ул. Кул көрәше күңелгә бик якын. Киләчәгемне спорт белән бәйләргә уйла­масам да, армрестлинг минем өчен ярат­кан шөгыль булып калачак, – ди Илһам Бариев.

Кул көрәше буенча Россия беренчелегендә 55 килограмм үлчәү авырлыгында Мөслим лицееның 7 сый­ныф укучысы Раян Хәйруллин ике кулда да өченче урынны алды. Раян Ларис Ба­риев кул астында икенче ел шөгыльләнә. Яр Чаллы шәһәрендә узган ярышларда үсмер егет беренче урынга лаек булган иде.

– Кул көрәше – 90нчы елларда попу­лярлашып киткән спорт төре. Бүген күп кенә илләрдә армрестлинг буенча зур ярышлар үткәрелә. Олимпиада уенна­рына керү өчен әлеге спорт төренең бе­ренче урында торуы да куанычлы. Бы­елгы сезонны без Яр Чаллы шәһәрендә башлап җибәрдек. Аннары Түбән Нов­городта узган федераль ярышларда кат­наштык. Соңгысы Орел шәһәрендә узган Россия беренчелеге булды. Һәрберсеннән призлы урыннар белән кайтуыбыз – укучыларымның тырыш хезмәте нәтиҗәсе, – ди Ларис Бариев.

Мөслим гимназиясенең 8 сыйныф укучысы Наил Харисов 60 килограмм авырлыктагылар арасында өченче урын­ны яулады. Хоккейчы егет спортның ике төрендә дә сынатмый.

– Кул көрәше секциясенә, дустыма ия­реп, кызык өчен генә килгән идем. Бу спорт төре белән чынлап торып кызык­сына башлавымны сизми дә калдым. Җиңүләр җиңел бирелми. Тренировка­лар шактый көч һәм түземлек сорый, – ди Наил, зурларча фикер йөртеп.

Кызлар арасында 50 килограмм авыр­лыктагылар арасында гимназиянең 9 сыйныф укучысы Илина Бариева дүртенче урынны алды һәм спорт ма­стерлыгына кандидат нормативын үтәде.

Татарстан Республикасы җыелма ко­мандасы гомумкоманда зачетында, Ала­ния командасыннан калышып, икенче урынны яулады.

Спортчылар атнаның биш көнендә тренировкаларга йөри. Уку белән спор­тны бергә алып баручы кул көрәше оста­лары сентябрь аенда Төркиядә үтәчәк дөнья беренчелегенә әзерләнә.

1–6 март көннәрендә Орел шәһәрендә кул көрәше буенча Рос­сия беренчелеге үтте. Ярышларга Россиянең 44 регионыннан 500дән артык спортчы килгән иде. Татар­стан җыелма командасы составында Мөслим спорт мәктәбенең тугыз уку­чысы катнашты.

Армрестлинг буенча тренер Ларис Бариевның шәкертләре үҗәт булула­ры белән аерылып тора. Идел буе фе­дераль округы беренчелеге булсын­мы, Татарстан, дөнья чемпионатымы, егетләр сынатмый. Ларис Бариевның дүрт укучысы спорт мастерлыгына кандидат нормасын үтәгән иде инде. Илһам Бариев, Ислам Гайнуллин, Дани­яр Хәбибуллин һәм Айдар Корбыевның 15-16 яшьтә мондый дәрәҗәле исемне алулары балаларның әти-әниләре өчен дә горурлык булуын әйтеп тору кирәкме икән?! Орел шәһәрендә кул көрәше бу­енча узган Россия беренчелегендә исә Илһам Бариев спорт мастеры нормати­вын үтәде һәм Россия җыелма команда­сы составына керде. 55 килограмм үлчәү категориясендә ул беренче урынны алды.

– Кул көрәше белән бишенче ел шөгыльләнәм. Башта бик яратып фут­бол уйнадым. Тезләрем авырта башлагач, әтием үзе җитәкләгән түгәрәккә чакыр­ды. Яңа спорт комплексы сафка баскан ел иде ул. Кул көрәше күңелгә бик якын. Киләчәгемне спорт белән бәйләргә уйла­масам да, армрестлинг минем өчен ярат­кан шөгыль булып калачак, – ди Илһам Бариев.

Кул көрәше буенча Россия беренчелегендә 55 килограмм үлчәү авырлыгында Мөслим лицееның 7 сый­ныф укучысы Раян Хәйруллин ике кулда да өченче урынны алды. Раян Ларис Ба­риев кул астында икенче ел шөгыльләнә. Яр Чаллы шәһәрендә узган ярышларда үсмер егет беренче урынга лаек булган иде.

– Кул көрәше – 90нчы елларда попу­лярлашып киткән спорт төре. Бүген күп кенә илләрдә армрестлинг буенча зур ярышлар үткәрелә. Олимпиада уенна­рына керү өчен әлеге спорт төренең бе­ренче урында торуы да куанычлы. Бы­елгы сезонны без Яр Чаллы шәһәрендә башлап җибәрдек. Аннары Түбән Нов­городта узган федераль ярышларда кат­наштык. Соңгысы Орел шәһәрендә узган Россия беренчелеге булды. Һәрберсеннән призлы урыннар белән кайтуыбыз – укучыларымның тырыш хезмәте нәтиҗәсе, – ди Ларис Бариев.

Мөслим гимназиясенең 8 сыйныф укучысы Наил Харисов 60 килограмм авырлыктагылар арасында өченче урын­ны яулады. Хоккейчы егет спортның ике төрендә дә сынатмый.

– Кул көрәше секциясенә, дустыма ия­реп, кызык өчен генә килгән идем. Бу спорт төре белән чынлап торып кызык­сына башлавымны сизми дә калдым. Җиңүләр җиңел бирелми. Тренировка­лар шактый көч һәм түземлек сорый, – ди Наил, зурларча фикер йөртеп.

Кызлар арасында 50 килограмм авыр­лыктагылар арасында гимназиянең 9 сыйныф укучысы Илина Бариева дүртенче урынны алды һәм спорт ма­стерлыгына кандидат нормативын үтәде.

Татарстан Республикасы җыелма ко­мандасы гомумкоманда зачетында, Ала­ния командасыннан калышып, икенче урынны яулады.

Спортчылар атнаның биш көнендә тренировкаларга йөри. Уку белән спор­тны бергә алып баручы кул көрәше оста­лары сентябрь аенда Төркиядә үтәчәк дөнья беренчелегенә әзерләнә.

Лилия Шәймиева.

Автор фотосы.