Бу көнне Мөслимдә

1973 ел

24 февраль

Тантаналы утырыш

22 февральдә район культура йортында Совет Армиясе һәм Хәрби Диңгез Флотының 55 еллыгына багышланган тантаналы җыелыш булды. Совет Ко­раллы Көчләренең данлы сугышчан юлы турында до­клад белән район хәрби ко­миссары майор В.О.Веркин чыкты. Аннары документаль фильм күрсәтелде һәм кон­церт куелды.

Һәр көн уңыш өчен

М.Вахитов исемендәге колхоз игенчеләре мул уңыш үстерергә биргән вәгъдәләрен практик эш белән ныгыталар. 6903 гек­тар җир вакытында һәм юга­ры сыйфатлы итеп туңга сөреп калдырылды. 35 мең тонна тирес таратылды. Кар тотуга җитди игътибар бирәбез. Кар сулары тотуга хәзерлек бара. Техниканы ре­монтлауны югары темп белән алып барабыз. 12 чәчү агре­гаты комплектлаштырылды. Шуларның өчесе чәчкечле. 300 тонна минераль ашла­ма кайтарылды. Орлыкның 80 проценты беренче клас­ска туры килә. Хуҗалыктан 8 кеше СПТУда укый.

З.Сөләйманов,

агроном.

27 февраль

Тыгыз элемтәдә

Җирле советларга сайла­уларда инде берничә тапкыр Яңа Карамалы авылының си­гезенче округыннан авыл со­ветына депутат итеп сайлан­дым. Үз округымның сайла­учылары белән элемтәдә то­рам, аларның наказларын төгәл үтәргә тырышам. Елга ике мәртәбә сайлаучыла­рым алдында отчет ясыйм. Су чыганакларын чистар­ту һәм ремонтлау буенча на­казлар үтәлде. Урамнарга су үткәрү җәен хәл ителәчәк. Зират әйләндерелде. Авылда икмәк заводы эшләтү наказы райпо гаебе белән үтәлмәде.

Нурлыһода

Тимербаева,

авыл советы депутаты.

1 март

Яз сулышын тоеп

Механизаторлар трак­торлар ремонтлауны төгәлләү өчен көрәшәләр.43 тракторның 39ы язгы кыр эшләренә әзер. Тагылма ко­раллар озакламый сынау мәйданчыкларына чыгары­лачак. Кар тотуда Михайлов­ка бүлекчәсе тракторчылары өлгер. Комсомол М.Перушин 305 гектар мәйданда кар тотты. Бүлекчә буенча бу күрсәткеч – 2320 гектар.

Г.Егоров,

“Мөслим” совхозы

комсомол оешмасы

секретаре.

Сәхифәне Мөнирә Арсланова әзерләде.