Авыл җирлекләрендә эшчәнлеккә багышланган халык җыеннары дәвам итә.

Авыл җирлекләрендә узган 2017 елдагы эшчәнлеккә багышланган халык җыеннары дәвам итә. Шундый очрашулар Крәш-Шуран, Вәрәшбаш, Үрәзмәт һәм Симәк авыл җирлекләрендә узды. Аларда муниципаль район башлыгы Рамил Муллин, район прокуроры Данис Әхмәтҗанов, район иҗтимагый һәм ветераннар советлары җитәкчеләре катнашты. Җыеннарда авыл җирлеге башлыклары һәм район башлыгының чыгышлары тыңланды. Шулай ук, җирлек халкы үзләрен кызыксындырган сорау-мөрәҗәгатьләрен дә җиткерделәр.