«Яшьлек» спорт сараенда Тренерлар көненә багышланган бильярд турниры узды

️29 октябрь көнне «Яшьлек» спорт сараенда Тренерлар көненә багышланган бильярд турниры узды. Әлеге турнирда спорт учреждениеләрендә эшләүче укытучы-тренерлар катнашты. Алар бу кызыклы уенда үз осталыкларын һәм күнекмәләрен күрсәттеләр. Турнир атмосферасы көндәшлек һәм дуслык рухына тулы иде.
Ярыш нәтиҗәләре:
1. Шамил Мадъяров;
2. Инсаф Ханов;
3. Алмас Латипов;
4. Камиль Иматдинов.

«Мондый турнир тренерлар өчен үз талантларын күрсәтү генә түгел, ә спорт җәмгыятендә элемтәләрне ныгыту өчен дә менә дигән мөмкинлек булды», – дип хәбәр итәләр «Яшьлек» спорт сараеннан.

Фото – «Яшьлек» спорт комплекс архивыннан.