Өч көн эчендә 110 мөрәҗәгать булган
Алты кеше дәвалану өчен хастаханәгә салынган
Район хастаханәсенең ашыгыч ярдәм бүлегенә өч көн эчендә 110 мөрәҗәгать булган. Шуларның алтысы – көнкүрештәге тән җәрәхәте, унысы кискен респиратор авыру белән ашыгыч ярдәм чакырткан. Алты кеше дәвалану өчен хастаханәгә салынган. Бер райондашыбыз – инфаркт, тагын берсе инсульт белән Әлмәт хастаханәсенә озатылган. “Бер генә көн дә талпан алмый калганыбыз юк. Өч көн эчендә 7 кеше талпан кадалып килде. Талпан кадалган очракта, мөмкин кадәр тизрәк хастаханәгә мөрәҗәгать итәргә кирәк. Тәнгә кадалган талпанны үзегез алырга тырышмагыз, бу очракта аның башы өзелеп калырга мөмкин”, – ди бүлек фельдшеры Ләйсән Гыйзетдинова.
Фото – «Мөслим-информ» архивыннан
Безнең телеграм каналга кушылыгыз! Телеграм-канал
Нет комментариев