Райондашларыбыз яшьләрнең иҗади слетында катнашты

21-23 февраль көннәрендә Лаеш районы "Волга" яшьләр үзәгендә эшләүче яшьләрнең иҗади слеты булып узды. Семинар-тренинг форматында узган әлеге укуларда республиканың төрле шәhәр-районнарыннан килгән актив яшьләр белән беррәттән Мөслим сәнгать мәктәбе укытучылары Алеся Латыпова hәм Розалия Хәбибуллина да катнашты.

"Укуларда яшьләр танылган иҗат әһелләре белән берлектә театр, җыр, бию сәнгате юнәлешләре буенча мастер-классларда, тренингларда катнаштылар, үзара тәҗрибә уртаклаштылар. Укытучыларыбызга ТРның атказанган мәдәният хезмәткәре Дмитрий Туманов таныклыклар тапшырды", - диелә Мөслим балалар сәнгать мәктәбеннән алынган хәбәрдә.

Фотолар - сәнгать мәктәбеннән.