«Аргамак» ат комплексында балаларны көтеп алалар

Мөслим лицееның 1а сыйныфы укучылары 12-16 май көннәрендә узган "Доброе сердце" хәйрия акциясе кысаларында "Аргамак" ат комплексына экскурсиягә бардылар.

«Һәр бала үзе белән кишер, шикәр һәм киптерелгән ипи алып барды. Балалар өчен аерым программа әзерләнгән иде. Аларга атларның ничек туклануы турында сөйләделәр. Укучылар атларның яше, характеры турында да бай мәгълүмат алдылар» , – дип хәбәр итәләр Мөслим лицееннан.

Фото – «Мөслим» лицее архивыннан