«Гаилә бәхете баскычлары» чарасы үтте

Үзәк китапханә хезмәткәрләре  "Гаилә бәхете баскычлары" дигән фикер алышу сәгате уздырды. Чарада катнашучылар гаиләнең рухи-әхлакый кыйммәтләрен саклау һәм ныгыту мәсьәләләре буенча фикер алыштылар. Очрашуга килгәннәр үз гаиләләренең гореф-гадәтләрен искә төшерделәр, балаларны тәрбияләү буенча  тәҗрибәләре белән уртаклаштылар. Әңгәмә барышында шулай ук гаилә укулары традициясен торгызу мәсьәләсенә дә тукталдылар. Чарага килүчеләр өчен «Гаилә фикере: нәфис әдәбиятта гаилә» китап күргәзмәсе әзерләнгән иде. Китапханәчеләр укучыларга гаилә һәм тәрбия темасына кагылышлы нәфис әсәрләргә кечкенә мәгълүмати күзәтү ясадылар, - дип хәбәр итәләр үзәк китапханәдән.  

Фото - район үзәк китапханәсеннән