Бу көнне Мөслимдә

21 декабрь. Язга әзерлибез

Безнең “Авангард” колхозында авыл хуҗалыгы машиналарын язгы кыр эшләренә әзерләү югары оешканлык шартларында дәвам итә. Моның белән Крәш. Шуран бригадасы машина-трактор паркында җитәкчесе Александр Савинов булган дүрт кешелек һәм Каенсазда өч кеше составындагы звено (җитәкчесе – Салих Вилданов) шөгыльләнә. Бүгенге көнгә хуҗалык буенча 23 чәчкеч, 27 культиватор, 11 сабан ремонтланып хәзерлек сызыгына куелды. Каенсазлыларның хезмәте аеруча мактауга лаек.

Ф. Хөрмәтуллин, машина-трактор паркы мөдире.

Фото – «Мөслим-информ» архивыннан.