Бу көнне

1989 ел, 30 май

Иң күп сөт сатучыларга

1989 ел өчен районыбыз хезмәтчәннәренең социалистик ярыш шартлары. Халыктан бер сыерга исәпләгәндә кимендә 900 килограмм сөт сатып алып, беренчелекне яулаган авыл советы башкарма комитетына күчмә Кызыл байрак тапшырыла. Башкарма комитет председателе һәм хуҗалык җитәкчесе бәясе 100-80 сумга кадәр бүләк белән бүләкләнә. Шәхси сектордан сыер башына кимендә 1000 килограмм продукция хәзерләп, беренче урын яулаган сөт җыючы Мактау грамотасына һәм бәясе 80 сумлык булган бүләккә лаек була.

Фото – «Мөслим-информ»нан