Мөслим лицеенда Туган тел атналыгы бара

Лицейда Туган тел атналыгы бара. Атналык «Мин-милләтемнең горурлыгы” исемле флешмоб- акция белән башланды. Әлеге флешмобка татарлыгы белән горурланучы яисә башка милләттән булып та татар милләтен хөрмәт итүче һәркем кушыла. Акция вакытында укучылар да, мөгаллимнәр дә татарларның милли киеменең бер өлеше булган калфак-түбәтәйләрдән йөриләр.. Акция милли киемнәребездә халыкның гасырлар буена тупланган акылы, тәҗрибәсе, тарихы чагылыш табуы хакында искә төшерә. Татарларның милли киеменең бер өлеше булган калфак һәм түбәтәй кигән кыз-егетләр матур, затлы, инсафлы, алар- милләтебезнең горурлыгы, – дип язалар Мөслим лицееннан.

Фото – Мөслим лицееннан