“Кырмыска оясы” торты

Кирәкле ингредиентлар: 250 граммлы бер кап акмай, 3 аш калагы шикәр комы, шул ук күләмдә 15-20 процентлы каймак, 2 чәй калагы көпшәкләндергеч (разрыхлитель), бер банка куертылган сөт, он.
Әзерләү тәртибе. “Акмайны эретәбез. Майга шикәр комы өстибез һәм ул эреп беткәнче болгатып торабыз. Катнашма суынгач, аңа каймак, он, көпшәкләндергеч кушып, каты итеп камыр басабыз. Камырны 1-2 сәгатькә суыткычка куеп торырга кирәк. Суытылган камырны эре тишекле иттарткычтан чыгарып табага таратабыз һәм алдан җылытылган духовкада якынча 15-20 минут (кызара башлаганчы) болгата-болгата пешерәбез. Аны табакка бушатып, кайнар килеш бер банка кайнатылган куертылган сөт белән болгатабыз һәм кырмыска оясы формасында тәлинкәгә өябез. Тәмле булсын!

Рубриканы Лилия Шәймиева алып бара.
 

Фото – Л. Абдуллинаның шәхси архивыннан.