Сентябрь-октябрь дуэты ни өчен яхшы?
Эксперт сүзләренчә, финанс яктан караганда, сентябрьдә яисә октябрьдә ял алу иң уңайлысы санала.
Бу айларда «кара көннәр» — федераль дәрәҗәдәге бәйрәмнәр юк, шуңа күрә эш көннәре тулысынча түләнә. Әмма шул ук вакытта эксперт билгеләп үткәнчә, октябрь иң җәлеп итүчән вариант булып кала, чөнки анда 22 эш көне бар. Эш көннәренең күп булуы сәбәпле, бер эш көне бәясе түбәнрәк булып чыга, ә отпуск акчасын исәпләгәндә уртача көнлек хезмәт хакы югарырак формалаша.
Афанасьев аңлатканча, отпуск акчасы хезмәткәрнең ялга кадәрге 12 календарь айдагы уртача хезмәт хакыннан чыгып исәпләнә. Формула гадәттә болайрак эшли: еллык хезмәт хакы 12 айга бүленә, аннары уртача айлык сумма 29,3 (уртача календарь айдагы көннәр саны) тигез кисәкләргә бүленә. Нәтиҗәдә алынган санны отпуск көннәре санына тапкырлыйлар. Шуңа күрә отпуск акчасының күләме ял көннәре өчен гади хезмәт хакына тиң булырга яки аннан артып китәргә мөмкин. Әгәр сез ай башында яки азагында озак ял итсәгез, калган эш көннәрендә сез азрак акча аласыз, ләкин зур суммалы отпуск пособиеләре белән компенсацияләнәсез.
Фото: Татар-информ
Нет комментариев