Укытучыларның методик берләшмә утырышы узды

- Кичә Г. Тукай ис. Мөслим урта гомуми белем бирү мәктәбендә "Сәнгать дәресләрендә функциональ грамоталылыкны үстерүнең нәтиҗәле алымнары" темасына музыка һәм рәсем сәнгате укытучыларының районкүләм методик берләшмә утырышы узды. Кунакларны сәламләү өлешеннән соң киңәшмәдә катнашучылар өчен мәктәбебезнең "Асылташ" балалар театры Р. Фәизовның "Саодака" драмасын сәхнәләштерде. Программа кысаларында Гөлназ.Деникаева ачык рәсем сәнгате дәресе, Энҗе Ибраһимова музыка дәресе күрсәттеләр. Дәресләр функциональ грамоталылыкны үстерүдә эффектив алымнар кулланып оештырылды. Укытучылар осталык дәресләрендә катнашып бик күп файдалы мәгълүмат алдылар, - дип хәбәр итәләр Мөслим урта мәктәбеннән.

Фотолар - Мөслим урта мәктәбеннән.