Мөслим гимназиясе һәм лицееның башлангыч сыйныф укучылары ГТО нормативларын тапшырды

19 сентябрь көнне Мөслим гимназиясе һәм Мөслим лицееның башлангыч сыйныф укучылары Бөтенроссия физик тәрбия һәм спорт комплексы (ГТО) нормативларын тапшырды.

Тест алдыннан разминка үткәрелде. Бу балаларга үз энергияләрен дөрес итеп бүлергә, җәрәхәтләнү куркынычын киметергә һәм һәр сынауга игътибарлы карарга мөмкинлек бирде.

Разминкадан соң укучылар төрле нормативлар тапшырды: җирдән этенү, тартылу, озынлыкка сикерү, 30 метрга йөгерү, бер минутка гәүдәне күтәрү һәм гимнастик эскәмиядә алга бөгелү.

Укучыларның күпчелеге нормативларны яхшы итеп тапшыра алды.

Расил Фәттахов фотолары.