График дизайн буенча республика конкурсы үтте

“Офык” мәктәптән тыш эшләр үзәгендә оештырылган чарада Менделеев шәһәренең “Менделеевск үзәне”, Әлмәт шәһәренең “Балалар технопаркы “Кванториум” – Пионерлар йорты”, Мөслим районы "Офык" мәктәптән тыш эшләр үзәге, Мөслим гимназиясе, Мөслим лицее, Күбәк төп гомуми белем бирү мәктәбеннән укучылар катнашты.
Нәтиҗәләр буенча беренче кечкенәләр төркеменнән Айсылу Шәйхетдиновага тиңнәр булмады. Алисә Сәлимова бәйгедә икенче урынны алды. Инзилә Мифтахова өченче урынга лаек булды. Призлы урынга чыккан кызларның барысы да “Офык” мәктәптән тыш эшләр үзәгендә Илүзә Гизтдинова кул астында шөгыльләнә.
Икенче зурлар төркемендә беренчелекне Әлмәт шәһәреннән Ралина Котдусова алды. Икенче урында – Мөслим гимназиясе укучысы Иркә Галиева. Өчтә – Менделеевск шәһәреннән Юлия Мищихина.

Лилия Шәймиева фотолары.